Kupa e Amerikës, fitojnë Argjentina dhe Paraguai

Sulmuesi i Manchester Cityt shënoi golin e vetëm të takimit në minutën e 57-të, duke shmangur një tjetër blof të formacionit të Tata Martinos pas barazimit 2-2 me Paraguajin.

 

Taktika e Oscar Tabarez për të neutralizuar Lionel Messin funksionoi në perfeksion, por Uruguaji nuk i kishte bërë mirë llogaritë me Agueron, i cili përfitoi nga një depërtim i Zabaletës, duke i paraprirë mbrojtësit kundërshtar me një goditje me kokë në shtyllën e parë.

 

Pas zhbllokimit të rezultatit nga Argjentina Uruguaji pati të paktën tre raste të pastra për të barazuar rezultatin. 

 

Në takimin tjetër të Grupit B Paraguai mposhti me rezultat minimal Xhamaikën me gol të Benitez në minutën e 36, pas një gabimi të rënë të portierit Kerr.

 

Argjentina dhe Paraguai kryesojnë grupin me nga 4 pikë, më pas renditet Uruguaj me 3 pikë, ndërsa Xhamaika ëhstë e fundit me zero pikë.

 

Në ndeshjet e fundit në Grup Argjentina do të ketë përballë Xhamaikën, ndërsa Uruguaji do të përplaset me Paraguajin.