Spitalet modulare, Mickoski kritikon mbylljen e rastit

 

 

“Për fat të keq, prokurori i cili është në largim, pasi, sipas informacioneve që kam, është shpallur konkurs për zgjedhjen e një prokurori të ri në Prokurorinë Themelore Publike për Ndjekjen e Krimit të Organizuar, supozoj se vendos që deri në fund t’i përmbushë marrëdhëniet e tij debitor-kreditor me qeverinë e mëparshme dhe nuk i bën përshtypje fakti që 14 njerëz u dogjën të gjallë. Do ta përsëris, 14 njerëz u dogjën të gjallë. Kjo nuk i bën aspak përshtypje dhe vendos që ta ndalë këtë proces. Por dua që publiku ta dijë se kjo nuk është amnisti politike nga ana e këtij prokurori ndaj ish-urdhërdhënësve të tij, sepse gjithmonë mund të shfaqen detaje të reja që lidhen me këtë proces dhe gjithmonë ky proces mund të bëhet sërish aktual dhe para opinionit publik të hapet përsëri që nga fillimi”, deklaroi kryeministri Hristijan Mickoski.

 

Ndërkohë, Prokuroria për Ndjekjen e Krimit të Organizuar dhe Korrupsionit ka konstatuar se spitalet modulare gjatë krizës së COVID-19 janë blerë në përputhje me procedurat ligjore dhe se nuk ka bazë për hapjen e hetimit.

 

Pas analizës së tenderëve, kontratave dhe dokumentacionit të projektit, nuk janë konstatuar keqpërdorime, tejkalim i autorizimeve zyrtare apo dëm ndaj buxhetit të shtetit.