Maqedoni
VMRO–DPMNE: Abazi nga PNKOK e shpëtoi Filipçen
22.08.2026 18:18
VMRO-DPMNE e akuzoi kreun e PNKOK, Abazi, se po e shpëton Filipçen...
VMRO-DPMNE e akuzoi kreun e Prokurorisë për Ndjekjen e Krimit të Organizuar dhe Korrupsionit, Abazi, se po e shpëton Filipçen, duke qëndruar në pretendimin se spitalet, të cilat ishin blerë dhe vendosur si mallra, në asnjë rast nuk mund të përdoreshin si objekte për veprimtari shëndetësore, përpara se të ishte përgatitur dokumentacioni teknik nga një person i afërt me Filipçen.
“Pas 5 vitesh dhe me një numër të madh provash, Abazi e mbrojti Filipçen duke e mbajtur lëndën dhe provat në sirtarët e prokuroreve Vilma Ruskoska dhe Elizabeta Josifovska nga PSP-ja. Ja pse Filipçe, i cili duhet të mbajë përgjegjësi për spitalet modulare, u mbrojt drejtpërdrejt nga Abazi. Konkretisht, Artan Etemi, ish-drejtor ekonomik i Spitalit të Tetovës, i cili u dënua me një vit e gjysmë burg për rastin e spitalit modular, deri në momentin e fundit kishte refuzuar ta pranonte dhe ta vinte në përdorim spitalin modular. Të rikujtojmë se spitalet, të cilat ishin blerë dhe vendosur si mallra dhe që në asnjë rast nuk mund të përdoren si objekte për veprimtari shëndetësore, ishin ndërtuar sipas specifikimeve teknike të një personi të emëruar nga Venko Filipçe.”, u shpreh Mile Lefkov, VMRO-DPMNE.