Përvjetori i Pavarësisë së Ukrainës, Kuvendi i RMV-së me seancë të veçantë

 

“Mesazhi ynë sot është i thjeshtë dhe i qartë: çdo popull demokrat në botë, veçanërisht në Evropë duhet ta japë përkrahjen për Ukrainën dhe me të të dëshmojë se ndajmë vlera të përbashkëta dhe me vetë atë që i përkasim familjes së përbashkët. Shpresojmë se edhe BE-ja do t’i shqyrtojë këto perspektiva gjeopolitike dhe në një mënyrë më të shpejtë dhe më pragmatike të mundësojë që të gjitha vendet kandidate, përfshirë edhe Ukrainën, të integrohen në politikat evropiane.”, - deklaroi nënkryetari i Kuvendit, Antonio Milloshovski. 

 

Në mbështetje të Ukrainës dhe pavarësisë së saj janë edhe deputetët tjerë të Kuvendit. 

 

“Me përkrahjen e Ukrainës ne e mbrojmë parimin se e drejta e rendit ndërkombëtar duhet të vlejë për të gjithë njësoj, pa dallim të madhësisë dhe forcës së një shteti.”, - theksoi deputeti i LSDM-së, Oliver Spasovski.

 

Duke falënderuar mbështetjen e pandërprerë të RMV-së, ambasadorja e Ukrainës, Larisa Dir, potencoi  ndihmën për arsenalin ushtarak që i  mungon Ukrainës në luftim me federatën ruse.

 

“Në kohën e agresionit të Federatës Ruse kundër Ukrainës, forca na vjen nga përkrahja nga vendet tona partnere, që i sigurojnë Ukrainës mbështetje ushtarake, financiare, humanitare në krijimin dhe funksionimin të tribunalit special për veprën penale, agresionin e Federatës Ruse kundër Ukrainës… Ukrainasit, shpresoj se do të mund të arrijnë paqe në tërë territorin e vet, sepse kanë karakter. Ukraina për këtë ka kapacitet. Kemi forcë dhe shpirt për rezistencë, por na duhet edhe ndihmë.”, - theksoi ambasadorja e Ukrainës, Larisa Dir.

 

Ukraina meriton pavarësi, ndërsa populli ukrainas paqe, theksuan në seancë ambasadorët e huaj.

 

“Patjetër ta përkrahim Ukrainën dhe popullin e saj. Përkrahja për sovranitetin, pavarësinë dhe integritetin territorial nuk është vetëm ndihmë për popull të lirë, por bëhet fjalë për të drejtën ndërkombëtare dhe sigurinë e kontinentit evropian.”, - u shpreh ambasadori francez, Kristof Le Rigoler.

 

“Përkrahja jonë për Ukrainën nuk është vetëm sjellje e mirë, nuk është vetëm  luftë për territorin e saj, por përkrahje esenciale e rendit të përgjithshëm evropian.”, - theksoi ambasadorja e Gjermanisë, Petra Dreksler. 

 

Grupi parlamentar ndërpartiak në mbështetje të Platformës së Krimesë në Kuvend është formuar më 7 tetor 2024.