BE i jep Ukrainës 6.1 miliardë euro për mbrojtjen

 

Ai është pjesë e një kredie më të gjerë prej 90 miliardë eurosh të miratuar nga Bashkimi Evropian në fillim të këtij viti, e cila do të shpërndahet në mënyrë të barabartë gjatë këtij viti dhe vitit 2027.

 

Presidentja e Komisionit Evropian, Ursula von der Leyen, tha se Evropa po tregonte qëndrimin e saj “të palëkundur dhe konkret” me Kievin në Ditën e Pavarësisë së vendit.

 

“Evropa qëndron me Ukrainën dhe ne do t’i ofrojmë asaj që i nevojitet, kur i nevojitet”, tha ajo.

 

Komisioni Evropian ka thënë se 8.5 miliardë euro të kredisë për Ukrainën janë disbursuar “kryesisht për raketa, dronë dhe avionë luftarakë”, si dhe 3.2 miliardë euro në mbështetje buxhetore për Kievin.

 

Presidenti ukrainas Volodymyr Zelensky ka thënë se vendi i tij po përballet me një mungesë financimi për mbrojtjen prej 27 miliardë dollarësh këtë vit për shkak të shpenzimeve më të larta se sa pritej.

 

Sigurimi i raketave balistike është sfida tjetër e madhe me të cilën përballet Ukraina, sipas presidentit të saj. Zelensky tha se po përpiqej të siguronte 300 raketa për këtë dimër, një detyrë që ai e përshkroi si aspak të thjeshtë, duke pasur parasysh se “prodhohen vetëm 600 në vit”.