Vazhdon gjykimi për zjarrin në „Puls“

 

Në seancën e kaluar, ekspertët e ndërtimtarisë iu përgjigjën pyetjeve të mbrojtjes, ndërsa në fokus ishin materialet e përdorura në objekt, veçanërisht sfungjeri poliuretanik për izolim akustik, si dhe rikonstruksionet dhe ndërhyrjet në konstruksion.

 

Mbrojtja e kontestoi edhe mënyrën se si ishin përcaktuar ndërhyrjet ndërtimore gjatë rikonstruksionit në vitin 2012, ndër të cilat edhe përforcimi i konstruksionit ndërmjet kateve me trarë çeliku.

 

Pas përfundimit të ekspertizës ndërtimore dhe marrjes në pyetje të ekspertëve nga ekipi i Fakultetit të Ndërtimtarisë pranë UKIM-it, pritet të përfundojë administrimi i provave nga Prokuroria, pas së cilës mbrojtja duhet të fillojë me paraqitjen e provave të saj.

 

Zjarri në diskotekën „Puls“ shpërtheu më 16 mars 2025 gjatë performancës së grupit DNA. Në zjarr humbën jetën 63 persona, ndërsa mbi 200 të tjerë u lënduan.