Seanca të disa komisioneve sot në Kuvend

 

Komisioni për Sistem Politik dhe Marrëdhënie Ndërmjet Bashkësive do të shqyrtojë raportin vjetor për punën e Komisionit Shtetëror për Parandalimin e Korrupsionit për vitin 2025, si dhe disa raporte të veçanta të Komisionit Antikorrupsion lidhur me financimin e fushatave zgjedhore.

 

Në rend dite është edhe raporti vjetor për zbatimin e Strategjisë Kombëtare për Parandalimin e Korrupsionit dhe Konfliktit të Interesave 2021-2025, për periudhën nga 1 janari deri më 31 dhjetor 2025, si dhe raporti përfundimtar për realizimin e strategjisë. Anëtarët do të diskutojnë edhe për Strategjinë e re Kombëtare për Parandalimin e Korrupsionit dhe Konfliktit të Interesave 2026-2030.

 

Komisioni për Politikë të Jashtme dhe Tregti të Jashtme do të shqyrtojë propozimet për ratifikimin e disa marrëveshjeve dhe protokolleve ndërkombëtare, ndër të cilat edhe marrëveshjet me Slloveninë dhe Portugalinë për bashkëpunim në fushën e mbrojtjes.

 

Në rend dite të këtij komisioni është edhe Propozim-ligji për raportimin dhe verifikimin e investimeve të huaja direkte, në lexim të parë. Të njëjtin propozim-ligj do ta shqyrtojë edhe Komisioni për Çështje Evropiane.

 

Këshilli Buxhetor do të diskutojë për Propozim-planin strategjik të Kuvendit për periudhën 2027-2031, Propozim-vendimin për dhënien e pëlqimit financiar për Planin vjetor të punësimit në shërbimin e Kuvendit për vitin 2027, si dhe për Propozim-buxhetin e Kuvendit për vitin 2027.