Mickoski: Nuk ka kritere të reja për anëtarësimin në BE

 

“Ne kemi plotësisht të harmonizuar politikat e jashtme dhe të sigurisë me Bashkimin Evropian, kemi besim të pa lëkundur tek Bashkimi Evropian, jemi duke punuar në agjendën reformuese. Në raportin e progresit në muajin dhjetor ishim shumë mirë të vlerësuar, pres që në raportin e muajit qershor të jemi edhe më mirë, dhe do të duhet të punësojmë në këtë drejtim. Ajo që është obligim i yni, jashtë marrëdhënieve bilaterale ne do ta plotësojmë.”, u shpreh kryeministri Hristijan Mickovski.

 

Ndërsa opozita maqedonase ka dalë me konstatime se Mickoski po ia kthen shpinën BE-së, po e largon vendin nga anëtarësimi i plotë në BE, dhe po e bllokon rrugën evropiane. Sipas opozitës maqedonase anëtarësimi në BE dhe partneriteti strategjik me SHBA-në nuk duhet të kushtëzohen në mes tyre, përkundrazi duhet të plotësohen mes tyre, dhe krijojnë një sinergji në interes të vendit dhe të rajonit.  

 

Nga ana tjetër nga Brukseli zyrtarë porosisin se zgjerimi i BE-së është dhe mbetet politika më e mirë strategjike e BE-së, për një qetësi të qëndrueshme dhe stabilitet. Por edhe përkundër kësaj zëdhënësi i BE-së nuk kishte përgjigje për deklarimet e Ministrit Holandez për punë të jashtme se anëtarëve të reja të BE-së duhet ti kufizohet mundësia për veto.

 

 

Në fokus të qasjeve të reja të zgjerimit janë vendet e Ballkanit Perëndimor së bashku me Ukrainën dhe Moldavinë, porosia e Brukselit është e qartë nuk ka lëshim nga sundimi i shtetit ligjor, dhe standardeve evropiane.