Forumi strategjik i Bledit, Jansha: Zgjerimi i BE-së s’është favor, është strategji

 

“Zgjerimi nuk është një favor i vendeve kandidate, është vendim strategjik për formën e ardhme të kontinentit tonë. Sigurisht, siç e kemi dëgjuar shpesh, kushtet patjetër të përmbushen, por besueshmëria funksionon në të dyja anët. Evropa duhet ta mbajë fjalën. Siç e kam thënë disa herë: Nëse BE-ja nuk zgjerohet, dikush tjetër do ta bëjë atë, në dëm tonin.”, - deklaroi kryeministri i Sllovenisë, Janes Jansha.

 

Projekti i themelimit të BE-së duhet t’u përgjigjet edhe sfidave aktuale, tha ministri slloven, Kajzer. Sipas tij, kërcënimet nuk janë në dorë të një vendi evropian, por kërkohet  bashkëpunim mes dy fuqive, ShBA-së dhe Evropës.

 

“E dimë se BE-ja është bërë si projekt i paqes dhe ajo çka na duhet është forma e Evropës, ambiciet që etërit themelues synonin e që është i përshtatshëm për sfidat e sotme. Pra, na duhen ndryshime dhe na duhet që këtë ta bëjmë bashkërisht. Ne jemi 27 anëtarë. Kjo nuk do të arrihej në izolim. Një lidhje e fortë midis BE-së dhe ShBA-së, që e quaj boshti transatlantik, mbetet thelbësore.”, - theksoi ministri i Jashtëm i Sllovenisë, Tone Kajzer. 

 

Në këtë forum dyditor marrin pjesë edhe ministrat e jashtëm të vendeve të Ballkanit Perëdnimor, mes tyre edhe ministri Timço Mucunski. Evropa Qendrore dhe Juglindore në një botë korridoresh, siguria dhe zgjerimi janë fokusi i takimit të kryediplomatëve nga vendet e rajonit. Tema tjera  që zënë vend në këtë  konferencë ndërkombëtare lidhen me sigurinë evropiane dhe globale, marrëdhëniet transatlantike, ekonominë dhe konfliktet ndërkombëtare.