Kurti: Marrëveshja me LDK-në mori goditje të rëndë

 

“Marrëveshja politike që kemi arritur ka marrë një goditje të rëndë, mirëpo nuk është zhvlerësuar.”, - deklaroi kryeministri i Kosovës, Albin Kurti.                   

 

                          

Krahas gjashtë deputetëve të LDK-së, kandidatura e Sejdiut nuk është mbështetur as nga PDK-ja dhe Aleanca. Këto të fundit vlerësojnë se Kosova ndodhet në krizë të thellë politike. 

“Jemi në një krizë politike më të thellën nga paslufta në Republikën e Kosovës. Jemi në një krizë ekonomike dhe në një krizë edhe me aleatët tanë.”, - theksoi Artan Behrami nga PDK.                                                                                  

“Qytetarët po kërkojnë energji, sigurime, punë, çmime të përballueshme, rrugë, drejtësi dhe një të ardhme për fëmijët e tyre. Kosova ka nevojë për veprim, Kosova ka nevojë për rezultate dhe mbi të gjitha Kosova ka nevojë për institucione.”, - u shpreh Albana Bytyqi nga Aleanca.       

                                                               

Por, edhe pse të gjitha partitë në Kosovë e theksojnë nevojën për formimin e institucioneve, nëse partitë opozitare PDK dhe Aleanca, ashtu si edhe gjashtë deputetët e LDK-së mbeten kundër zgjedhjes së presidentit, atëherë Kosova pashmangshëm do të shkojë në zgjedhje të reja.