Shoqatat e dala nga lufta e UÇK-së: Liri për ish-krerët e UÇK-së më 16 shtator

 

 

“Kjo konferencë është njoftim për organizimin për pritjen e verdiktit përfundimtar të krerëve të Ushtrisë Çlirimtare të Kosovës, që pothuajse gati gjashtë vite po mbahen padrejtësisht atje nga Gjykata Speciale, siç e kemi thënë edhe më herët, krejtësisht politike, me tendenca dhe qëllime për ta njollosur luftën e lavdishme, të drejtë dhe të pastër të Ushtrisë Çlirimtare të Kosovës, me tendenca për të barazuar luftën tonë të drejtë e të pastër, sidomos për të ardhur deri te liria, dhe formën për ta atakuar dhe për ta goditur luftën e Ushtrisë Çlirimtare të Kosovës.”, - deklaroi kryetari i Shoqatës së Familjeve të Dëshmorëve të UÇK-së, Xhavit Jashari. 

 

Shoqata e Familjeve të Dëshmorëve të Luftës së UÇK-së dhe Shoqata e Invalidëve të Luftës së UÇK-së, njëherësh kanë mbështetur organizimin e protestës më 12 shtator, e cila do të mbahet në sheshin Skënderbeu në Prishtinë, në mbështetje të çlirimtarëve.