SHBA shqyrton zëvendësimin e zëvendësministrit të Mbrojtjes, mes tensioneve në Pentagon

Shtëpia e Bardhë po shqyrton kandidatë për të zëvendësuar zëvendëssekretarin e Mbrojtjes, Steve Feinberg, sipas burimeve të cituara nga Reuters. Lëvizja vjen në një periudhë të trazuar për Pentagonin, ku administrata Trump është përballur me ndryshime të shumta në nivelet e larta të drejtimit.

 

Sipas burimeve, diskutimet me senatorë të rëndësishëm kanë nisur që në qershor dhe kanë vazhduar deri në fund të gushtit. Deri tani nuk ka një vendim përfundimtar dhe zyrtarët e Shtëpisë së Bardhë kanë mohuar publikisht se largimi i Feinberg është vendosur.

 

Çështja lidhet edhe me luftën me Iranin. Feinberg, bashkëthemelues i Cerberus Capital Management, është përballur me kritika për ritmin e prodhimit të municioneve amerikane dhe për çështje të mundshme konflikti interesi.