Deklarata për “llumin” nxit reagime, Zhernovski: Mickoski e përçan shoqërinë

 

“Kur rezultatet në çdo fushë janë llum dhe kur i gjithë mandati i kryeministrit është fjalë për fjalë llum, atëherë e vetmja gjë që të mbetet të flasësh është për llum dhe mbetje.”, - deklaroi Andrej Zhernovski nga LSDM.

 

 

Mickoski më pas iu përgjigj reagimeve të opozitës, duke thënë se LSDM-ja vetë është identifikuar me termin që ai përdori. Kryeministri theksoi se ai nuk e kishte përmendur drejtpërdrejt partinë opozitare dhe se fokusi i pushtetit duhet të jetë te puna dhe rezultatet.

 

“Më vjen keq që LSDM-ja e gjen veten te llumi, por unë thashë shumë saktë se llumi nuk guxon ta mposhtë elitën. Ne do të vazhdojmë të japim rezultate, ndërsa ata le të zhyten në kënetën e tyre politike.”, - theksoi kryeministri, Hristijan Mickoski. 

 

 

Në të njëjtën linjë me kryeministrin është edhe VMRO-DPMNE-ja. Nga partia akuzojnë LSDM-në se është kundër projekteve dhe investimeve të Qeverisë dhe se, siç thonë, përmes gjuhës së urrejtjes dhe ndarjeve synon ta tërheqë shoqërinë prapa.

 

“Llumi në LSDM është fabrikë për përhapjen e nihilizmit, urrejtjes dhe ndarjeve të ashpra. Ata janë kundër gjithçkaje që është progresive në vend. Ky llum duhet dhe do të mposhtet.”, thuhet në komunikatën e VMRO-DPMNE-së. 

 

Deklarata e kryeministrit, e bërë gjatë shënimit të Ditës së Pavarësisë, kështu u shndërrua në temë të një përplasjeje të re politike, me pushtetin dhe opozitën që akuzojnë njëra-tjetrën për retorikë përçarëse dhe mungesë rezultatesh.