Gruevski nuk e din se kur do ta takojë Zaevin

Ai sot nuk zbuloi detaje rreth kësaj çështje, pa përjashtuar mundësinë e realizimit të shpejtë të takimit të radhës. Por, Gruevski thotë se opinioni publik do të  jetë i informuar në kohë për takimet dhe zhvillimet në këtë drejtim.

 

“Për momentin nuk mund t’ju përgjigjem se kur do të mund të mbahej takimi i ardhshëm i  liderëve politik, sepse i njëjti varet nga shumë faktorë. Nuk e përjashtoj mundësinë që takimi të realizohet shumë shpejt, por e njëjta mund të realizohet edhe në të ardhmen. Nuk e di, do ta shohim dhe do të jeni të informuar me kohë”- deklaroi kryeministri i  Maqedonisë, Nikola Gruevski.

 

Kryeministri Gruevski, njëherit, nuk preferoi të komentojë as “bombën” e fundit të LSDM-së opozitare, që kishte të bënte me keqpërdorime nga përfaqësues të kabinetit të tij qeveritarë.