Konferencë në Kuvend për mbikëqyrjen parlamentare dhe integrimin në BE

 

Konferenca ka filluar në orën 09:30 me sesionin “Rojtarët e proceseve reformuese: Si të forcohet mbikëqyrja parlamentare mbi agjendën reformuese?”. Në të do të flasë drejtoresha e Institutit për Politikë Evropiane, Simonida Kacarska, pas së cilës është paraparë një diskutim i përbashkët.

 

Në sesion do të shqyrtohen strategjitë dhe mjetet për forcimin e rolit të parlamenteve në vendet e Ballkanit Perëndimor në ndjekjen e zbatimit të agjendës reformuese dhe proceseve të ndërlidhura, me qëllim që angazhimet reformuese të rezultojnë me përparim konkret dhe transparent.

 

Në pjesën e dytë të konferencës, nga ora 11:30, do të mbahet sesioni “Nga dokumentet e politikave publike në realitet: skenarë të mundshëm për rrjedhën e re të procesit të zgjerimit”, ku do të mbajë fjalim Aleksandar Andrija Pejoviq.

 

Do të prezantohet një pasqyrë e politikave dhe zhvillimeve aktuale në BE lidhur me ndryshimet e mundshme në metodologjinë e anëtarësimit, si dhe ndikimin e tyre në rrjedhën e ardhshme të procesit të zgjerimit.