Droni rus në Moldavi kërcënoi avionin e presidentit ukrainas Zelenski

 

Incidenti ka ndodhur mbrëmjen e së martës, derisa Zelensky po udhëtonte nga Moldavia drejt kryeqytetit norvegjez, kur një dron rus ka hyrë në hapësirën ajrore të Moldavisë, duke shkaktuar mbylljen e përkohshme të hapësirës ajrore. Avioni i Zelensky-t ndodhej në aeroportin ndërkombëtar të Kishinauit dhe u lejua të ngrihej vetëm pasi autoritetet konstatuan se droni kishte rënë.

 

Sipas raportimeve, ai shpërtheu rreth 160 kilometra larg aeroportit. Ambasadori i Moldavisë në ShBA, Vlladislav Kulminski, tha se incidenti ka gjasa të mos ketë qenë aksidental. I pyetur nëse droni mund të ketë pasur si objektiv Zelenskin, Kulminski tha se hetimet janë ende në zhvillim e sipër. Megjithatë, ai theksoi se dihet që presidenti ukrainas përdor hapësirën ajrore moldave gjatë udhëtimeve të tij jashtë vendit.