Kompania “WIK” zgjeron kapacitetet në Prilep, Mickoski: Përkrahim investimet e huaja

 

“Niveli i përgjithshëm i investimeve të huaja është diku rreth 1 miliard e 400 milionë euro. Më thonë gjithmonë, mos e krahaso veten me qeverinë e mëparshme. Nëse i krahasojmë, këto dy vite me dy vitet e para atëherë, kur nuk kishte kriza, atëherë do të flasim për një krahasim midis 1 miliard dhe 400 milionë eurove të kësaj qeverie dhe 750 milionëve që kishte qeveria e mëparshme. Numrat janë të qartë, ndryshimi është i madh. Pavarësisht nëse e konvertojmë këtë si shifër në raport me frymën apo shifrën totale, është një ndryshim i madh.”, - deklaroi kryeministri i vendit, Hristijan Mickoski.

 

Si pjesë e strategjisë së saj për zgjerim global, kompania “WIK Macedonia DOOEL” në vitin 2017 filloi ndërtimin e një fabrike për prodhimin e pajisjeve elektrike në zonën industriale të Prilepit. Me rritjen e kërkesës për prodhim dhe zgjerimin e bashkëpunimit me klientët ndërkombëtarë, u shfaq nevoja për kapacitete të reja dhe shtesë prodhuese, prandaj kompania “WIK” filloi planifikimin dhe realizimin e një objekti të ri prodhues “WIK Prilep 2”, duke vazhduar kështu zgjerimin e kapaciteteve të saj prodhuese në Zonën Zhvillimore Teknologjike dhe Industriale në Prilep, ku parashihet hapja e 300 vendeve të reja të punës. 

 

“Ky objekt është investimi i dytë i “WIK”, falënderojmë Qeverinë për mbështetjen e vazhdueshme të cilën e marrin, dhe kjo na shtyn që të mendojmë që t’i rrisim investimet tona. Ky objekt e bënë prodhimin e produkteve cirkulative të ekonomisë, që është shumë e kërkuar në Evropë.”, - u shpreh drejtor i “WIK”, Kristof Dorn.

 

“WIK” është një kompani gjermane e themeluar në vitin 1950, e cila aktualisht ka më shumë se 6.000 të punësuar, ndër të cilët një ekip zhvillimi prej mbi 350 inxhinierësh. Kompania është e specializuar në zhvillimin dhe prodhimin e pajisjeve elektrike shtëpiake për marka të ndryshme ndërkombëtare.