Djegia e anijes në Filipine, shkon në 35 numri i viktimave

Numri i të vdekurve nga zjarri në një anije pasagjerësh në provincën perëndimore filipinase Palaëan është rritur në 35. Dyzet e tre  persona janë shpëtuar, ndërsa 54 të tjerë ende konsiderohen të zhdukur.

Zjarrfikësit zbuluan trupat pasi arritën të hynin në anije për herë të parë, pasi kishin shuar një zjarr që kishte penguar operacionet e kërkim-shpëtimit që nga nata e së mërkurës.

Videoja e publikuar nga roja bregdetare tregon shpëtimtarët me kostume mbrojtëse nga rreziku duke mbajtur qese të zeza për trupat nga një varkë e vogël në një anije të rojes bregdetare.

Më parë, tymi i dendur dhe temperaturat jashtëzakonisht të larta i kishin penguar shpëtimtarët të hynin në anije, e cila mbante më shumë se 130 persona kur shpërtheu në flakë.

Tragjeditë në det janë të zakonshme në Filipine, një arkipelag ku transporti bregdetar ndonjëherë operohet nga anije që nuk përputhen me rregullat themelore të sigurisë.