Derivatet e naftës, me uljen e TVSh-së bien çmimet

 

“Nëse nuk do të ishte marrë kjo masë, si dhe vendimet e mëparshme për uljen e akcizës, për shembull çmimi i naftës do të ishte rreth 11–11.5 denarë më i lartë për litër se sa është sot. Me rritjen e konsumit në pikat e karburantit në vend, veçanërisht në pjesët veriore, perëndimore dhe jugore, për shkak të qytetarëve që vijnë nga Greqia, Shqipëria dhe Serbia, kemi arritur në mbi 2 milionë litra karburant të harxhuar në pikat e karburantit në Maqedoni.”, - theksoi kryeministri, Hristijan Mickoski.

 

Ministrja Koçovska tha se rritja e çmimeve të naftës nuk ishte parashikuar në ribalancin e buxhetit, ndërsa tani po shqyrtohet mundësia  nëse do të ketë rialokim apo ribalancë.

 

“Çdo reagim dhe çdo vendim që marrim ka për qëllim që qytetarët të jetojnë më mirë dhe kjo do të mbetet edhe më tej. Është normale që këto situata nuk ishin planifikuar në mënyrë adekuate në rishikimin e buxhetit, sepse në periudhën kur përgatitëm rishikimin e buxhetit, situata ishte më e qetë dhe prisnim që gjërat të zhvilloheshin në atë drejtim. Deri në fund të javës do të kemi takime me dy institucione që janë shtyllat e shtetit dhe nga të cilat varen në masë të madhe të hyrat  Drejtoria e të Ardhurave Publike dhe Dogana. Në bazë të vlerësimeve dhe projeksioneve të tyre, do të marrim vendim nëse do të bëjmë rishikim të buxhetit apo rialokim të mjeteve.”, - u shpreh ministrja e Financave, Gordana Dimitrievska Koçovska.

 

Nga Qeveria njoftojnë se do të vazhdojnë të monitorojnë gjendjen në tregun e derivateve të naftës dhe, nëse është e nevojshme, do të ndërmarrin masa shtesë.