Zgjedhjet parlamentare në Suedi, opozita kryeson me vetëm 3 mandate

 

 

“Tani duhet të presim rezultatet përfundimtare të zgjedhjeve. Çdo votë duhet të numërohet. Por, mesazhi im është i qartë: ne, Socialdemokratët, do të jemi gjithmonë të gatshëm të marrim përgjegjësinë për rezultatin.”, - deklaroi liderja e Socialdemokratëve në Suedi, Magdalena Andersson.

 

“Për mua rezultati nuk është aq befasues. Isha mjaft i bindur se diferenca do të ishte shumë më e vogël sesa sugjeronin sondazhet e ndryshme, kështu që nuk jam shumë i befasuar.”, - theksoi kryeministri i Suedisë, Ulf Kristersson.

 

Një nga surprizat më të mëdha të zgjedhjeve ishte rënia e mbështetjes për Demokratët e Suedisë, të cilët për herë të parë që nga hyrja e tyre në Parlament në vitin 2010 humbën mbështetje.

 

Rezultati përfundimtar mund të bëhet i ditur vetëm pas disa ditësh, pasi autoritetet lokale zgjedhore të mërkurën do të fillojnë numërimin e votave që nuk kanë mbërritur në qendrat e votimit ditën e zgjedhjeve.