Marrëdhëniet ShBA – Poloni, Trump-i paralajmëron bazë të re amerikane

 

Në një postim në platformën e tij Truth Social, Trump-i vlerësoi presidentin polak Karol Naërocki dhe e cilësoi atë si “mik”, duke e lidhur projektin me forcimin e aleancës mes dy vendeve.

 

“Po bëhet përparim i madh drejt krijimit të një baze të ushtrisë amerikane në Poloni.”, shkroi Trump-i, duke shtuar se nëse projekti realizohet, vendndodhja do të bëhet e ditur së shpejti. Sipas tij, krijimi i bazës do të përbënte “një hap historik” për aleancën ShBA-Poloni.

 

Presidenti polak Karol Naërocki e falënderoi Trump-in për mbështetjen dhe deklaroi se Polonia është e gatshme të vazhdojë forcimin e bashkëpunimit në fushën e mbrojtjes.

 

“Qeveria polake do të bëjë çmos për të siguruar vendndodhjen më të mirë të mundshme për bazën e ushtrisë amerikane.”, tha Naërocki.

 

ShBA-ja ka tashmë një prani të konsiderueshme ushtarake në Evropë. Sipas Qendrës për Analizën e Politikave Evropiane, Uashingtoni ka 31 baza të përhershme dhe 18 objekte të tjera ushtarake në kontinent.