Ukraina godas Moskën pas zgjedhjeve: Sulm me dronë, goditet një rafineri

 

 

“Dëgjova një shpërthim të fuqishëm dhe dola jashtë. Pashë një shtëpi që po digjej, jo shumë larg shtëpisë sonë. Pashë se një dron Shahed kishte goditur shtëpinë, e cila ishte përfshirë nga flakët. Shërbimi Shtetëror i Emergjencave mbërriti shpejt, së bashku me policinë, ekipet mjekësore dhe dy ambulanca. Fal Zoti i mbijetuan sulmit,por ishin të plagosur dhe u dërguan në spital”, deklaroi kryetari i komunitetit territorial rural Byshiv, Ivan Roznai.

 

Sulmet ndodhën në ditën e fundit të zgjedhjeve parlamentare në Rusi. Në Donjeckun e pushtuar, lideri Denis Pushilin e përshkroi votimin si “etapën e fundit të madhe politike” në procesin e aneksimit të rajonit nga Federata Ruse.

 

“Pas këtyre zgjedhjeve, Donjecku do të ketë përfaqësuesit e tij në Dumën Shtetërore, të cilët do të përfaqësojnë interesat e banorëve tanë. Prandaj, pjesëmarrja dhe zgjedhja janë përgjegjësia jonë”, u shpreh lider rus në Donjeckun e pushtuar, Denis Pushilin.

 

Ukraina e ka shpallur votimin në territoret e pushtuara të paligjshëm dhe u ka bërë thirrje shteteve dhe organizatave ndërkombëtare që të mos i njohin rezultatet.Qendrat e fundit të votimit mbyllen sonte, pas së cilës priten rezultatet e para të zgjedhjeve.