Pas vendimit të Hagës për ish krerët e UÇK-së, Prishtina proteston për të pestën ditë me rradhë

 

 

“Dënimet drakonike që nxitën këtë reagim të madh popullor nuk mund të ndreqen përmes linçimeve politike e publike, por vetëm përmes një beteje të pastër juridike. Gjykata e Apelit, si nivel i dytë, mbetet rruga e vetme e duhur për adresimin institucional të këtij problemi”, thuhet në komunikatën e GUXO-s.

 

 

Ndërkohë, kryeministri Albin Kurti, i cili ndodhet në Shtetet e Bashkuara, tha se Qeveria e Kosovës është e gatshme të mbështesë ekipet mbrojtëse në procesin e apelit dhe të angazhohet edhe në planin diplomatik. Kurti e ka cilësuar aktgjykimin si të padrejtë dhe ka kërkuar një strategji shtetërore për reagimin ndaj tij.

 

“Qeveria e Republikës së Kosovës është e përkushtuar që të ofrojë mbështetje, në çdo mënyrë dhe me të gjitha mjetet që i ka në dispozicion, me qëllim korrigjimin e verdiktit të Dhomave të Specializuara ndaj ish krerëve të UÇK-së, i cili është i padrejtë juridikisht dhe moralisht dhe i pasaktë historikisht dhe faktikisht. Një dakordim mbi një strategji shtetërore për reagim sa më të përshtatshëm dhe efikas ndaj verdiktit të shkallës së parë, si në ndihmën e ekipeve në instancat e apelit, ashtu edhe në rrafshin diplomatik, është i nevojshëm", ka shkrua kryeministri i Kosovës, Albin Kurti në rrjetet e tij sociale.

 

Ai me tej shtoi se Qeveria do të bashkëpunojë me aleatët ndërkombëtarë për procesin e apelit dhe do të angazhohet edhe në planin diplomatik, duke theksuar se mbrojtja e luftës çlirimtare dhe zbardhja e krimeve të kryera në Kosovë do të jenë pjesë e këtij angazhimi.