OJQ: Të lehtësohet procedura për donacionet

 

“Deri sa nuk e pranoni atë vendim, nuk jeni të sigurt se do të mund të shfrytëzoni përfitim tatimor. Gjithkund në botë, ky proces është shumë më i thjeshtë dhe kjo dihet paraprakisht, nëse bëj donacion për një kënd lojërash për fëmijë, nëse do ta shfrytëzoj benefitin tatimor. Unë në momentin kur vendosi të  bëj donacion vetëm se e di nëse do ta shfrytëzoj, dhe vetëm e evidentoj atë, ndërsa në pasqyrën përfundimtare më shfaqen. Institucionet nëse dëshirojnë, mund ta verifikojnë atë.”, - deklaroi drejtoresha e OJQ "Konekt", Nikica Kuslinihova.

 

Ligji aktual parashikon lehtësime tatimore për kompanitë që dhurojnë mjete. Donacionet mund të njihen si shpenzim deri në një përqindje të caktuar të të ardhurave, ndërsa për personat fizikë parashikohet përjashtim nga tatimi mbi të ardhurat personale deri në një shumë të përcaktuar me ligj. Lehtësime ekzistojnë edhe për kompanitë që dhurojnë pajisje për sektorin publik, të cilat në kushte të caktuara mund të përfitojnë përjashtim nga TVSh-ja. Organizatat vlerësojnë se me procedura më të thjeshta dhe më të qarta do të krijohej një sistem më funksional për donacionet dhe sponsorizimet, duke lehtësuar si punën e donatorëve, ashtu edhe atë të organizatave që i pranojnë këto mjete.