Udhëheqësit botërorë në Asamblenë e OKB-së, nën hijen e luftërave në Ukrainë dhe Lindjen e Mesme

 

“Sapo u takuam me senatorët. Jemi mirënjohës për miratimin e ligjit për sanksione ndaj Rusisë dhe Iranit. Do të bisedojmë edhe me presidentin Trump. Dua që sanksionet të fillojnë të japin rezultate.”, - deklaroi presidenti i Ukrainës, Volodymyr Zelensky.

 

Makroni më herët ishte takuar edhe me Trump-in, të cilit ia përcolli nevojën e Ukrainës për raketa mbrojtëse shtesë, për shkak të sulmeve ruse me dronë dhe raketa.

 

“Kemi pasur një diskutim të gjatë për Ukrainën dhe Rusinë, si dhe për nevojën që t’u ofrohet mbështetje më e shpejtë dhe më e fuqishme miqve tanë ukrainas, sa i përket raketave mbrojtëse shtesë, pasi ky është faktori kyç i mbrojtjes. Gjithashtu, rishqyrtuam edhe njëherë nismat e mundshme për një moratorium mbi çështjet që lidhen me energjinë.”, - theksoi presidenti i Francës, Emmanuel Macron. 

 

Trump-i kritikoi publikisht si Ukrainën, ashtu edhe Rusinë për sulmet ndaj rafinerive të naftës, të cilat, sipas tij, janë arsyeja për rritjen marramendëse të çmimeve të naftës dizel në nivel global. Ndërkohë, luftimet vazhdojnë. Rusia kreu një sulm masiv gjatë natës ndaj objekteve industriale, energjetike dhe portuale në Ukrainë. Janë goditur objektiva në Kiev, Dnipropetrovsk, Poltavë dhe Odesë, ndërsa viktima janë raportuar në Dnipro. Kievi iu përgjigj me sulme në Rusi, ku u godit rafineria në Samara.