Kërkesa për “jurisprudencën” në shqip, Maksuti: Jo kompromis mbi ligjin e gjuhëve

 

“Pretendimet se ministri i drejtësisë do të thirr në konsultime dekanët, botën akademike, studentët që të bëjnë një kompromis të gjejnë një zgjidhje rreth mënyrës se si të organizohet në çfarë gjuhe provimi i jurispodencës fare nuk qëndron për arsyeje se kjo çështje është e rregulluar në mënyrë thelbësore sipas ligjit për përdorimin e gjuhëve dhe assesi nuk guxojmë ne të bëjmë kompromis mbi ligjin. Kjo do të nënkuptonte kufizim të mëtejmë të përdorimit të një të drejte që u takon me ligjin e përdorimit të gjuhëve dhe ai është i qartë, se gjuha zyrtare është gjuha maqedone dhe alfabeti i saj dhe  gjuhën e 20 përqindëshit që e nënkupton gjuhën shqipe. Këto janë gjuhët zyrtare që kanë të drejt ti përdorin qytetarët në të gjithë realizimin e të drejtave të tyre.”, u shpreh për TVM2 profesori universitar Mersim Maksuti.

 

Maksuti për TVM2 thotë se çdo debat tjetër rreth kërkesës për dhënin e provimit në gjuhën shqipe, është thjesht përpjekje për të zvarritur zgjidhjen. 

 

“Edhe kërkesa lidhur me atë se provimi i jurispdoencës të mbahet edhe në anglisht, turqisht ose ndonjë gjuhë tjetër edhe kjo çështje është e qartë, pasi që ligji për përdorimin e gjuhëve njeh vetëm dy gjuhë zyrtare. Gjuha maqedonase dhe gjuha shqipe. Pra gjithë qytetarët e vendit tonë mund të realizojnë një të drejte të tyre në kuadër të dy gjuhëve zyrtare të cilët i njeh ligji dhe jo gjuhë të tjera.”, u shpreh për TVM2 Maksuti.

 

Maksuti e kundërshton edhe propozimin që pjesa teorike e provimit të jepet në gjuhën shqipe, ndërsa pjesa praktike të kryehet në gjuhën maqedonase, pasi sipas tij ligji I përdorimit të gjuhëve është i qartë dhe studentëve shqiptarë u garanton të drejtën për dhënien e provimit në gjuhën shqipe.  

 

Edhe Mevlan Ademi nga Lëvizja Studentore, ka deklaruar se si lëvizje nuk pajtohen dhe nuk do të lejojnë që provimi i jurisprudencës në gjuhën shqipe të mbahet peng për shkak gjuhëve të tjera. Sipas tij nuk duhet ngatërruar obligimin ligjor për zbatimin e gjuhës shqipe, me gjuhët që ligjërohen në universitete.