Kuvendi nikoqir i konferencës rajonale për femicidin

 

Në konferencë do të marrin pjesë përfaqësues të institucioneve, parlamenteve, gjyqësorit, organizatave ndërkombëtare dhe sektorit civil nga vendet e Evropës Juglindore. Në fokus do të jenë përgjigjet ligjore dhe institucionale ndaj femicidit, mbikëqyrja parlamentare, mekanizmat për monitorimin dhe mbledhjen e të dhënave, si dhe standardet për identifikimin dhe hetimin e vrasjeve me bazë gjinore.

 

Konferenca fillon sot me fjalime hyrëse të nënkryetares së Kuvendit, Vesna Bendevska, sekretarit të përgjithshëm të OSBE-së, Feridun H. Sinirlioğlu, ambasadorit Kilian Wahl, shef i Misionit të OSBE-së në Shkup, dhe Lara Scarpitta, këshilltare e lartë për çështje gjinore dhe shefe e programit për çështje gjinore në Sekretariatin e OSBE-së.

 

Gjatë dy ditëve të ardhshme do të debatohet për përgjigjet ligjore ndaj femicidit, mbikëqyrjen parlamentare dhe mekanizmat për monitorimin e rasteve të femicidit.