Dita botërore për informacionet me karakter publik, Gajdov: Qytetarët të pyesin, organet të informojnë

 

“Shpresoj që rëndësia e informatave me karakter publik do të thellohet në të ardhmen, respektivisht qasja e lirë do ta marrë vendin e vërtetë, ndërkaq ajo është publikimi proaktiv i informacioneve. Mos të presim që vazhdimisht të parashtrohen kërkesa, por institucionet në mënyrë proaktive t’i shpallin informatat e tyre në ueb-faqe, që qytetarët në kohë dhe me rregull të informohen më të dhënat që duhet të marrin informata të karakterit publik.”, - deklaroi drejtori i Agjencisë për Mbrojtjen e së drejtës për qasje të lirë tek informatat me karakter publik, Petar Gajdov. 

 

Për rëndësinë e informatave me karakter publik, folën edhe ambasadorët.

 

“Informatat publike u përkasin qytetarëve, që është një e drejtë dhe Qeveria e ka për detyrë të zhvillojë një sistem të mirëmbajtur, që u mundëson individëve, organizatave, qytetarëve të marrin informacione.”, - theksoi ambasadori i Suedisë, Ola Sulstrom.

 

“Qytetarët duhet të marrin vendime, të marrin vendime të informuara. Por, që të bësh vendim të informuar të duhen informacione.”, - u shpreh ambasadori i Zvicrës, Kristof Zomer.

 

Qasje e lirë deri tek informacionet me karakter publik ka rol të madh për shoqërinë, sepse çdo qytetar i vendit tonë, mundet dhe duhet të ketë informata për mënyrën e punës në institucione, mbi shpenzimin e mjeteve buxhetore dhe qasje se si krijohen politikat në shtetin tonë, u tha në këtë organizim.