Hendboll
“Trofeu i Maqedonisë 2026”, Maqedonia e dyta
28.09.2026 16:55
Përfaqësuesja e Maqedonisë në hendboll për femra...
Përfaqësuesja e Maqedonisë në hendboll për femra, me dy fitore dhe një humbje e përfundoi në vendin e dytë pjesëmarrjen në turneun tradicional ndërkombëtar “Trofeu i Maqedonisë 2026”, i cili në kuadër të javës së Federatës Evropiane të Hendbollit (EHF) u zhvillua këtë fundjavë në Ohër.
Ky turne ishte njëkohësisht edhe përgatitje për hendbollistet e vendit për pjesëmarrjen në Kampionatin e 17-të Evropian (EHF), që këtë vit do të zhvillohet në pesë shtete. Vendin e parë dhe trofeun e fituesit e fitoi përfaqësuesja e Malit të Zi, e cila regjistroi tri fitore.
Golashënuesja më e mirë e turneut “Trofeu i Maqedonisë 2026” u shpall aloja e djathtë e Maqedonisë, Sara Ristovska, që shënoi 22 gola. Hendbolliste më e mirë (MVP) e turneut u shpall Ivana Saviq, e Malit të Zi, ndërsa portierja më e mirë ishte Lucija Beshen e Kroacisë.