Lufta kundër korrupsionit, kërkohet më shumë kontroll dhe transparencë

 

“Enti Shtetëror i Revizionit në mënyrë të vazhdueshme mban evidencë për aktivitetet e ndërmarra dhe raporton për to në raportet vjetore. Nëse e vëreni, në shtatë faqet e para të Raportit Vjetor për punën e Entit Shtetëror të Revizionit për vitin 2025, raportojmë për masat e ndërmarra dhe rekomandimet e dhëna. Kjo përqindje është diku rreth 85% për masat e ndërmarra dhe rekomandimet e dhëna. Kjo nuk do të thotë se çdo institucion ka vepruar sipas rekomandimeve të dhëna. Ende kemi nevojë për përmirësime dhe organet kompetente vazhdojnë të kenë detyrimin për t’i zbatuar rekomandimet e dhëna.”, - deklaroi kryerevizori shtetëror, Maksim Acevski.

 

Në konferencë u theksua edhe rëndësia e ndryshimeve në Ligjin për Revizionin Shtetëror dhe forcimi i rolit të Kuvendit në mbikëqyrjen e rekomandimeve të auditimit.

 

“Raportet e Entit Shtetëror të Revizionit janë gjithashtu objekt shqyrtimi në Kuvend, përkatësisht nga grupet e punës që ushtrojnë mbikëqyrje mbi shpenzimin e mjeteve buxhetore. Gjithashtu, është në procedurë projektligji për ndryshimin dhe plotësimin e Ligjit për Revizionin Shtetëror. Presim që gjatë shqyrtimit të këtij projektligji të zhvillohet një diskutim i mirë dhe, ndoshta, të propozohen edhe amendamente të caktuara. Qëllimi ynë është që ta forcojmë më tej integritetin e Entit Shtetëror të Revizionit, si një organ profesional dhe i pavarur.”, - theksoi nënkryetari i Kuvendit, Antonio Miloshoski.

 

Reduktimi i korrupsionit është gjithashtu pjesë e procesit të përafrimit të vendit me Bashkimin Evropian, ndërsa forcimi i institucioneve, transparenca dhe kontrolli i shpenzimit të parasë publike mbeten elemente të rëndësishme në këtë proces.