Rruga evropiane në qendër të debatit, Qeveria e palëkundur në qëndrimin e saj

 

“Atë pjesë të opozitës nuk do të doja ta komentoja. Ndërsa qëndrimi ynë është i qartë, argumentet tona janë të qarta, ne jemi të gatshëm të bisedojmë, të debatojmë dhe në fund të ditës të gjejmë një zgjidhje.”, - deklaroi kryeministri, Hristijan Mickoski.

 

Ndërkaq, ministri i Punëve të Jashtme, Timço Mucunski, tha se historia mbetet pjesë e identitetit të vendit, por nuk duhet të pengojë të ardhmen evropiane.

 

“Çështja nuk është se a është e rëndësishme historia. Ajo është e rëndësishme dhe gjithmonë do të jetë pjesë e asaj që jemi. Çështja e vërtetë është se a do të lejojmë që interpretime të ndryshme të së kaluarës të kufizojnë të ardhmen tonë të përbashkët. Për ne, anëtarësimi në Bashkimin Evropian mbetet një përcaktim strategjik. Procesi i anëtarësimit duhet të transformojë shoqërinë tonë, të forcojë institucionet tona dhe të krijojë më shumë mundësi për qytetarët tanë.”, - theksoi ministri i Punëve të Jashtme, Timço Mucunski.

 

Opozita, ndërkohë, akuzon Qeverinë se po e shtyn procesin e integrimit. Kryetari i LSDM-së, Venko Filipçe, një ditë më parë tha se kërkesat e e Mickoskit për ndihmë dhe ndërmjetësim nga Bashkimi Evropian janë vetëm justifikim dhe se kryeministri nuk ka qëllim ta vazhdojë rrugën evropiane të vendit.