Nikolloski në takime në Bruksel – në fokus infrastruktura, zgjerimi dhe Plani i Rritjes

 

Në takime do të diskutohet për çështjet aktuale ekonomike dhe politike, projektet infrastrukturore, Planin e Rritjes dhe procesin e zgjerimit të Bashkimit Evropian.

 

Nikolloski paralajmëroi se në samitin e transportit do të diskutohet për projektet e mëdha infrastrukturore në vend, mes të cilave edhe hekurudha e Korridorit 8 drejt Bullgarisë. Ai theksoi se për këtë projekt është siguruar një grant prej 150 milionë eurosh nga Banka Evropiane e Investimeve.

 

Në Bruksel, Nikolloski do të marrë pjesë edhe në sesionet e “Miqve të Evropës”, kushtuar së ardhmes së Evropës dhe procesit të zgjerimit. Ai vlerësoi se vendet anëtare të BE-së nuk duhet t’i bllokojnë vendet kandidate dhe shprehu shpresën se Bullgaria do të bëjë një hap përpara, me çka do të hapej rruga drejt fillimit të negociatave për anëtarësimin e Maqedonisë së Veriut.

 

Vizita e Nikolloskit zhvillohet në prag të vizitës së paralajmëruar të presidentes së Komisionit Evropian, Ursula von der Leyen, në Shkup të premten.