Raporti i Entit Shtetëror të Revizionit, “Termini im“ pa mirëmbajtje, rrezik për sigurinë

 

“Nuk mund të them se në raport ka ndonjë gabim apo pasaktësi. Raporti është dhënë, ne e kemi konfirmuar dhe gjendja është e tillë. Pse është kështu, mund të pyesni njerëz të tjerë. Kur na u dorëzua drafti, kërkova që të përgatitej një plan veprimi. Prezantuam një draft-strategji për digjitalizimin në shëndetësi dhe planifikojmë ndërhyrje të mëdha në fushën e digjitalizimit, si dhe rritjen e mëtejshme të produktivitetit të sistemit shëndetësor dhe rritjen e kënaqësisë së pacientëve. Pa prova në atë fushë nuk mund të ketë rezultate. “Termini im” është pjesë qendrore e kësaj çështjeje.”, - deklaroi ministri i Shëndetësisë, Sasho Klekovski.

 

Klekovski tha se ka kërkuar nga shërbimet në Ministri përgatitjen e një thirrjeje publike për kontratë dyvjeçare për mirëmbajtjen e sistemit, pasi kontratat njëvjeçare, sipas tij, nuk sigurojnë vazhdimësinë e nevojshme për realizimin e ndryshimeve.

Raporti evidenton edhe mangësi të tjera në digjitalizimin e shëndetësisë. Në Administratën për Shëndetësi Elektronike janë plotësuar vetëm 29 për qind e vendeve të parapara sipas sistematizimit, ndërsa revizorët kanë konstatuar dobësi në sigurinë e teknologjisë informative dhe mbrojtjen e të dhënave personale.

 

Kontratat për mirëmbajtjen e sistemeve janë lidhur në baza vjetore, ndërsa 48 për qind e investimeve në sisteme të tjera informatike në institucionet publike shëndetësore janë përqendruar në vetëm tri kompani softuerike.

Ministria e Shëndetësisë paralajmëron ndërhyrje më të mëdha në digjitalizimin e shëndetësisë, ndërsa “Termini im” mbetet një nga sistemet qendrore në këtë proces.