Në Kuvend sot do të mbajnë seanca shtatë komisione

 

Në Komisionin për Arsim, Shkencë dhe Sport janë Propozim-ligji për ndryshimin dhe plotësimin e Ligjit për Themelimin e Agjencisë Kombëtare për Programe Arsimore Evropiane dhe Mobilitet, Propozim-ligji për ndryshimin dhe plotësimin e Ligjit për Veprimtarinë Inovative, Zhvillimin Shkencor-Teknologjik dhe Sipërmarrjen, Propozim-ligji për ndryshimin dhe plotësimin e Ligjit për Inspektimin Arsimor, Propozim-ligji për ndryshimin e Ligjit për Shërbimin Pedagogjik dhe Propozim-ligji për ndryshimin e Ligjit për Byronë për Zhvillimin e Arsimit, të gjitha me procedurë të shkurtuar.

 

Në Komisionin për Mbrojtje dhe Siguri është Propozim-ligji për Mbrojtjen e Infrastrukturës Kritike Civile, në lexim të parë.

 

Anëtarët e Komisionit për Politikë Sociale, Demografi dhe Rini do të diskutojnë për Propozim-ligjin për ndryshimin dhe plotësimin e Ligjit për Mbrojtjen e Fëmijëve, në lexim të parë.

 

Në Komisionin për Transport, Transformim Digjital, Mjedis Jetësor dhe Planifikim Hapësinor është Propozim-ligji për ndryshimin dhe plotësimin e Ligjit për Mjedisin Jetësor, në lexim të parë.

 

Para anëtarëve të Komisionit për Kulturë dhe Turizëm janë Propozim-ligji për ndryshimin dhe plotësimin e Ligjit për Veprimtarinë Filmike dhe Propozim-ligji për ndryshimin dhe plotësimin e Ligjit për Mbrojtjen e Trashëgimisë Kulturore, që të dy me procedurë të shkurtuar.

 

Anëtarët e Komisionit Ligjvënës-Juridik do të diskutojnë për Propozim-ligjin për ndryshimin dhe plotësimin e Ligjit për Prokurimet Publike, Propozim-ligjin për plotësimin e Ligjit për Tatimin mbi të Ardhurat Personale, Propozim-ligjin për ndryshimin dhe plotësimin e Ligjit për Pagën Minimale në Republikën e Maqedonisë së Veriut, Propozim-ligjin për ndryshimin dhe plotësimin e Ligjit për Marrëdhëniet e Punës, Propozim-ligjin për plotësimin e Ligjit për Çmimet Shtetërore, Propozim-ligjin për Mbrojtjen e Infrastrukturës Kritike Civile, Propozim-ligjin për ndryshimin dhe plotësimin e Ligjit për Mbrojtjen e Fëmijëve dhe Propozim-ligjin për ndryshimin dhe plotësimin e Ligjit për Mjedisin Jetësor, të gjitha në lexim të parë.

 

Me procedurë të shkurtuar do të shqyrtohen edhe Propozim-ligji për ndryshimin dhe plotësimin e Ligjit për Themelimin e Agjencisë Kombëtare për Programe Arsimore Evropiane dhe Mobilitet, Propozim-ligji për ndryshimin dhe plotësimin e Ligjit për Veprimtarinë Inovative, Zhvillimin Shkencor-Teknologjik dhe Sipërmarrjen, Propozim-ligji për ndryshimin dhe plotësimin e Ligjit për Inspektimin Arsimor, Propozim-ligji për ndryshimin e Ligjit për Shërbimin Pedagogjik, Propozim-ligji për ndryshimin e Ligjit për Byronë për Zhvillimin e Arsimit, Propozim-ligji për ndryshimin dhe plotësimin e Ligjit për Veprimtarinë Filmike, Propozim-ligji për ndryshimin dhe plotësimin e Ligjit për Mbrojtjen e Trashëgimisë Kulturore, Propozim-ligji për ndryshimin e Ligjit për të Drejtat e Bashkësive që përbëjnë më pak se 20 për qind të popullsisë në Republikën e Maqedonisë së Veriut, Propozim-ligji për ndryshimin e Ligjit për Inspektoratin për Përdorimin e Gjuhëve dhe Propozim-ligji për ndryshimin dhe plotësimin e Ligjit për Evidencën Amë.

 

Komisioni do të shqyrtojë edhe disa kërkesa për interpretim autentik të dispozitave të disa ligjeve: kërkesën për interpretim autentik të dispozitave të nenit 150, paragrafi 1, të Ligjit për Marrëdhëniet e Punës; kërkesën për interpretim autentik të nenit 25, paragrafi 1, pika 9, të Ligjit për Tatimet mbi Pronën, të parashtruar nga kryetari i Komunës së Vinicës; si dhe kërkesën për interpretim autentik të nenit 116, paragrafi 1, të Ligjit për Arsimin e Lartë (“Gazeta Zyrtare e Republikës së Maqedonisë” nr. 82/18 dhe “Gazeta Zyrtare e Republikës së Maqedonisë së Veriut” nr. 154/19, 178/21 dhe 58/24), të parashtruar nga deputeti Antonio Milloshoski.