Shtrenjtimi i faturave të energjisë elektrike. Ekspertët: Mund të rriten edhe çmimet e produkteve

 

Sipas Agron Arsllani, drejtor në Odën Ekonomike të Maqedonisë Veri Perëndimore shtrenjtimi I faturave të energjisë elektrike mund të çojnë në rritjen e çmimeve të produkteve, ndërsa për afaristët deri tek falimentimi I ndërmarjeve të tyre.

 

“Rroga mesatare është 21 mijë denarë dhe për energji elektrike paguajmë dikund 12% të asaj shume kjo është një ngarkesë shumë e madhe edhe për amvisëritë. Pasiqë kemi vetë harxhime më të mëdhaja normalisht që duhet ose të rriten çmimet ose të falimentojmë. Ne jemi vetë dëshmitarë që kohën e fundit me dhjetëra apo qindra kompani të cilat kanë shkuar në falimentim shkaku i mos mundësisë për mbulimin e harxhimeve dhe shpenzimeve të cilat i kanë pasur”, tha Agron Arsllani, drejtor i OEMVP  

 

Problem serioz në aplikimin e çmimit real të energjisë elektrike është mungesa e burimeve alternative të energjisë shprehet Arsllani.

 

Sipas tij shteti duhet të bëjë liberalizmin e tregut të energjisë elektrike duke subvencionuar kompanitë dhe personat që janë të gatshëm për shfrytëzimin e energjisë alternative.

 

“Burimet alternative të energjisë janë mjaft të rëndësishme duke patur parasysh burimet e energjisë që burojnë prej erës, diellit, gazi natyral, të cilat është më se e nevojshme që edhe vetë shteti ti subvencionojë edhe kompanitë por edhe personat në bazë të subvencioneve të ndryshme”, shtoi Arsllani

  

Nga asociacioni i energjetikës kanë bërë thirje që Komisioni Rregullator i Energjetikës gjatë vendimit përfundimtarë të marrë parasysh shpenzimet reale të kompanive energjetike.

 

Në opinion flitet se ELEM ka kërkuar që çmimet të rriten për 10%.

 

Nga MEPSO dhe EVN thonë se akoma nuk kanë dorëzuar kërkesë për rritje.