Maqedoni

Zgjedhjet e parakohshme në Bërvenicë

05.10.2026 18:26

Kandidatët për kryetar të Komunës së Bërvenicës vazhdojnë fushatën për zgjedhjet e 18 tetorit...

Kandidatët për kryetar të Komunës së Bërvenicës vazhdojnë fushatën për zgjedhjet e 18 tetorit. Duke kërkuar besimin e qytetarëve, ata vazhdojnë të shpalosin ofertën e tyre programore. 
 
“Do të realizojmë projekt për rindërtim dhe rikonstruim në vendbanimet në Komunën e Bërvenicës, rindërtim të rrjetit të kanalizimit në fshatin Sedllarcë, gjithashtu edhe në fshatin Çellopek, rikonstruim të rrjetit në Bllacë në fshatin Miletinë, e kështu me radhë. Parashikojmë infrastrukturë moderne komunale; sikurse ndërtim, rikonstruim dhe rehabilitim të rrugëve lokale. Ky projekt ka më shumë pjesë. Politika për përmirësimin e rrugëve lokale të VMRO – DPMNE-së do të vazhdojë edhe në periudhën që vijon me ç’rast do të arrihet përmirësim i realizimit të projekteve me karakter të tillë.”, - deklaroi kandidati i VMRO-DPMNE-së, Stojanço Radiçevski.
    
“Si kandidat për kryetar të Komunës së Bërvenicës premtoj se arsimi do të jetë një nga prioritetet e mia. Do të angazhohemi për kushte më të mira për nxënësit, rikonstruim dhe modernizim të shkollave, pajisje bashkëkohore dhe krijimin e kushteve më të mira me mësim dhe punë. Do të investojmë te fëmijët tanë pasi që investimi në arsim është investim në Bërvenicë. Të gjithë mësimdhënësve u dëshiroj shumë sukses, shëndet, si dhe sukses profesional. Angazhohemi për arsim më të mirë dhe një Bërvenicë më të mirë.”, - theksoi kandidati i LSDM-së, Jovica Radeski.
 
“Pika e parë do të ishte disiplinë buxhetore, që do të thotë plan fiskal me qëllim kursimin e shpenzimeve operative, vendosjen e një kontrolli të fuqishëm mbi furnizimet publike dhe ajo që është motiv për mua është kursim deri në 10% nga programi buxhetor të komunës. Ky kursim nga 10% do të ishte dikur 500 mijë euro dhe kjo nuk është pak. Çka do të nënkuptonte ky kursim prej 500 mijë eurove? Kjo do të ishte një fond të cilin Komuna e Bërvenicës do të mund ta shfrytëzonte.”, - u shpreh kandidati i pavarur, Dushan Bogdanovski.
 
“Shtylla e parë e këtij programi është një qeverisje e përgjegjshme dhe transparente, një komunë që punon, dëgjon dhe jep llogari, administratë më moderne, shërbime më të shpejta dhe transparencë në çdo vendim, projekt dhe shpenzim. Shtylla e dytë: zhvillim, ekonomi dhe diasporë. Komuna e Bërvenicës ka potencial, duam zhvillim të balancuar për të gjitha vendbanimet, mbështetje për fermerët dhe bizneset lokale.”, - u shpreh kandidati i VLEN-it, Jakup Huseini.
 
“Ju ftoj të ecim bashkë në këtë rrugëtim për familjet tona, për fëmijët tanë, për të rinjtë tanë, për çdo fshat të Bërvenicës, për të ardhmen e vendit. Dua të premtoj punë, përkushtim dhe përgjegjësi, sepse Bërvenica ka nevojë vetëm për fjalë, ka nevojë për plan, ka nevojë për punë. Bashkë për Bërvenicën, bashkë për të ardhmen tonë, faleminderit për besimin, faleminderit për mbështetjen dhe mbi të gjitha faleminderit që jemi bashkë në këtë rrugëtim. Na priftë e mbara dhe dalshim faqebardhë.”, - deklaroi kandidati i AKI-së, Arkin Jahiji.