Provimi i Jurisprudencës, ditëve në vijim Shasivari përballë studentëve

 

 

"Krahas prezantimit të zgjidhjes ligjore, do të diskutohet edhe për zbatimin e saj praktik programin e provimit të jurisprudencës, literaturën e detyrueshme, pyetjet, terminologjinë juridike profesionale, përkthimet dhe harmonizimin e terminologjisë juridike, si dhe mënyrën e dhënies së provimit. Zgjidhja e propozuar është përgatitur mbi parimet e respektimit të Kushtetutës dhe ligjeve, barazisë dhe mosdiskriminimit, me qëllim të krijimit të mundësive të barabarta për zhvillimin profesional të të gjithë kandidatëve.", thuhet në njoftimin e Ministrisë së Drejtësisë.

 

Në Ministrinë e Drejtësisë janë dorëzuar kërkesa nga pesë organizata studentore. Tri prej tyre kërkojnë që provimi të mund të jepet në gjuhën shqipe, një në gjuhën angleze, ndërsa një tjetër në gjuhën angleze dhe turke. Bëhet fjalë për universitete ku studimet juridike zhvillohen në ciklin e parë dhe të dytë, përkatësisht në nivelin e magjistraturës, përveç në gjuhën maqedonase edhe në gjuhën shqipe, angleze dhe turke.

 

Ndërkohë, studentët kanë paralajmëruar se nuk do të pranojnë një zgjidhje të pjesshme apo, siç e cilësojnë ata, një “propozim gjysmak”siç parashikohet që teoria të jepet në gjuhën amtare, ndërsa praktika në gjuhën maqedonase. Synimi i deklaruar i Ministrisë së Drejtësisë është që të sigurohet qasje e barabartë në provimin e jurisprudencës, pa ulur kriteret profesionale. Por, nëse zgjidhja do t’i përmbushë pritshmëritë e studentëve, pritet të bëhet e qartë pikërisht në tryezën e tetorit.