Këshilli Gjyqësor shqyrton ankesën ndaj Manevit

 

“Sipas pretendimeve, atmosfera e punës në gjykatë seriozisht është rrënduar, për shkak të udhëheqjes së kryetares së gjykatës. Nga leximi i të gjitha dëshmive, mendoj se ky pretendim i punonjësve është i arsyeshëm. Me këtë konflikt, u dëshmua se kryetarja nuk po arrin ta menaxhojë situatën në gjykatë.”, - deklaroi anëtarja e Këshillit, Suzana Joshevska Anastasovska.

 

Por, kishte edhe prej tyre të cilët theksuan se këto pretendime kanë datuar shumë kohë më herët.

 

“Jam i bindur dhe qëndroj në mendimin tim se ky pretendim nuk ka qenë për t’u shqyrtuar kaq shpejt, sepse pretendimet e palës së ankuar, kam bindjen se të njëjtat veprime që po ndodhin në këtë gjykatë po ndodhin gjatë muajve dhe viteve të mëparshme. Dhe në këtë drejtim, Këshilli Gjyqësor është duke kërkuar zgjidhje, por kjo situatë nuk është shumë e thjeshtë, sepse duhet të kemi kujdes më të drejtat e palës tjetër.”, - theksoi anëtari i Këshillit, Ivica Nikollovski.

 

Por, pas akuzave dhe kundërakuzave, e njëjta me shumicë votash kaloi tek anëtarët e Këshillit Gjyqësor. Punonjësit e kësaj gjykate ka paraqitur një ankesë në Këshillin Gjyqësor, duke kërkuar shkarkimin e kryetares së gjykatës, Snezhana Manev, sepse ata janë ekspozuar ndaj fyerjeve, presionit dhe sjelljes së papërshtatshme nga ana e saj për vite me radhë.