Ukraina nën breshërinë e dronëve, Zelenski thotë se po vriten civilë, Rusia raporton sulme në objekte ushtarake

 

“Kjo është dhurata që Putini ia dhuroi vetes për ditëlindje, vrasje të fëmijëve, vrasje të njerëzve. Gjatë ditës kishte sulme të reja me dron “Shahed” dhe bomba me avionë. Me rëndësi është që liderët botërorë të mos heshtin për këtë që ndodhi, për atë që po ndodh vazhdimisht. Dhe ajo më e rëndësishmja, fakti që Rusia e ka ndërmend të vazhdojë me këto ofensiva, të eskalojë, të vrasë dhe të bëjë sulme të vazhdueshme.”, - deklaroi presidenti ukrainas, Volodimir Zelenski.

 

Ministria ruse e Mbrojtjes njoftoi se ushtria kishte kryer një “sulm masiv” ndaj objekteve të sektorit ushtarako-industrial. Në shënjestër të sulmeve ishin edhe infrastruktura portuale dhe ajo e ndërtimit të anijeve në rajonin e Detit të Zi, në Odesa, si dhe një anije që transportonte materiale ushtarake. Forcat Ajrore të Ukrainës njoftuan se kanë arritur të kapin më shumë se 80 për qind të dronëve të lëshuar. Ukraina dje mori ndihmë të re financiare nga Bashkimi Evropian, në vlerë prej 1.2 miliardë eurosh.