Rosberg fiton në Austri dhe rihap luftën për titull

Tashmë, diferenca mes dy pilotëve të Mercedesit është vetëm 10 pikë, me britanikun Hamilton që vazhdon të mbajë kryesimin e renditjes së përgjithshme pas vendit të dytë në pistën e Zeltvegut.

 

Sa I përket garës, gjermani e pa I pari vijën e finishit me një kohë prej 1 orë, 30 minuta e 16 sekonda, duke I ikur rivalit të tij më të madh dhe shokut të skuadrës, Hamilton, për 8.8 sekonda.

 

Në vend të tretë u ndal Felipe Massa i Williamsit, me ç`rast ky është podiumi i parë që arrin një makinë e kësaj skuadre në këtë sezon.

 

Nga ana tjetër, për të dytën garë radhazi, Ferrari mbeti pa podium: vetëm vendi i katërt për Sebastian Vettel që ngeci për gjysëm sekonde ndaj Massas, ndërsa Kimi Raikkonen doli nga gara që në xhiron e parë, pas një aksidenti spektakolar me Fernando Alonson.

 

Me 25 pikët e reja të fituara sot, Nico Rosberg tani 159 pikë të tubuara në vendin e dytë, ndërsa I pari është Hamilton me 169. Gjermani Vettel në vendin e tretë, ka tubuar 120 pikë.

 

Sa I përket konstruktorëve, Mercedesi është I pakompromis, me 328 pikë, 136 më shumë se Ferrari.