Alarm për bombë në aeroportin Ben Gurion, evakuohen pasagjerët e avionit nga Nju Jorku

 

Pas marrjes së informacionit për një pajisje të dyshimtë në bord, pasagjerët u evakuuan, ndërsa avioni u zhvendos në një zonë të largët të aeroportit, ku ekipet e sigurisë kryen kontrollet e nevojshme.

 

Sipas Autoritetit të Aeroporteve të Izraelit, inspektimi nuk zbuloi asgjë të pazakontë dhe nuk u gjet asnjë pajisje e dyshimtë.

 

Autoritetet konfirmuan se operacionet në aeroport janë rikthyer në normalitet. Ndërkohë, nuk janë bërë të ditura detaje për personin që bëri kërcënimin apo motivet e tij.