Eurofarm Pelister përballet me Gummbersbach
13.10.2026 14:03
Eurofarm Pelister-in, e pret një transfertë e vështirë në Gjermani...
Eurofarm Pelister-in, e pret një transfertë e vështirë në Gjermani, ku do të përballet me Gummersbach në ndeshjen e vlefshme për raundin e tretë të fazës së grupeve të Ligës Evropiane të EHF-së. Skuadra nga Manastiri do të përpiqet të regjistrojë fitoren e parë në këtë kompeticion dhe të përmirësojë pozicionin e saj në grup.
Nënkampioni i vendit ka grumbulluar deri më tani një pikë. Për skuadrën e drejtuar nga kroati Lino Çervar tani vjen një sfidë edhe më e madhe. Gummersbach ka regjistruar një fitore dhe një humbje në dy ndeshjet e para. Pavarësisht se skuadra gjermane konsiderohet favorite, Eurofarm Pelister do të përpiqet të luajë me guxim dhe të sigurojë një rezultat pozitiv.
Një fitore e mundshme në Gjermani do të ishte një nxitje e madhe për skuadrën përfaqësuese të vendit dhe do t'i mundësonte të mbetej në garë për një pozitë më të mirë në grup. Detyra nuk do të jetë e lehtë, por skuadra nga Manastiri do të kërkojë mënyrën për të shfrytëzuar rastet e saj dhe për të befasuar në arenën evropiane.