Rusia vazhdon sulmet në Ukrainë, përpjekje diplomatike për t’i dhënë fund luftës

 

“Personalisht, më vjen keq që gjatë dy viteve të para, madje edhe dy viteve e gjysmë të luftës, kemi humbur kohë sa i përket riarmatimit. Prandaj, çështja kryesore është ta mbështesim Ukrainën gjatë këtij dimri që po afron. Mendoj se Putinit i kanë mbetur vetëm dy karta për të luajtur: mobilizimi i fshehtë dhe vetë dimri i ashpër, të cilin në Rusi e quajnë “gjenerali Dimër”. Ne duhet të bëjmë një përpjekje të jashtëzakonshme financiare dhe ushtarake, përmes furnizimeve, si dhe të ofrojmë ndihmë humanitare për ta mbështetur Ukrainën.”, - deklaroi zëvendëskryeministri dhe ministri i Jashtëm i Polonisë, Radoslav Sikorski. 

 

Ndërkohë, ambasadori i ShBA-së në NATO, Metju Uhitaker, vlerësoi qëndresën e Ukrainës ndaj Rusisë, duke theksuar se presidenti Donald Trump dhe ekipi i tij po vijojnë përpjekjet diplomatike për të krijuar kushtet për nisjen e negociatave mes palëve dhe për t’i dhënë fund luftës.

 

“Besoj se herët a vonë, qoftë sot, nesër apo së shpejti, presidenti Trump do të krijojë kushtet që të dyja palët të ulen në tryezën e negociatave. Lajmi i mirë për Evropën dhe Ukrainën është se presidenti Trump dhe ekipi i tij janë të angazhuar në përpjekjet për t’i dhënë fund këtij konflikti.”, - u shpreh ambasadori i ShBA-së në NATO, Maetju Uhitaker.

 

Në Forumin e Sigurisë në Varshavë, përfaqësuesit perëndimorë kanë bërë thirrje për vazhdimin e mbështetjes për Kievin dhe për shtimin e përpjekjeve diplomatike për arritjen e një armëpushimi.