Afganistan-Kunduz, talebanët marrin nën kontroll një distrikt

Autoritetet njoftojnë se kryengritësit kanë sulmuar Dashti Archi nga të katër anët, duke zhvilluar luftime të ashpra deri sa e kanë marrë nën kontroll zonën.

Në anën e forcave lokale të sigurisë ka viktima, por nuk jepen shifra të sakta. 150,000 banorë të këtij distrikti nuk kanë mundur të ikin nga luftimet.

Që prej muajit prill, kryengritësit janë munduar që të marrin nën kontroll kryeqytetin e provincës, që po ashtu quhet Konduz, por forcat afgane kanë arritur që t’i zmbrapsin.