Takimi dyditor i liderëve të BE-së, mes tjerash, në fokus edhe zgjerimi i unionit

 

“Është me të vërtetë e rëndësishme se ne nuk e bilateralizojmë procesin e zgjerimit. Nëse e shohim procesin e zgjerimit si të tillë, mendoj se Evropa është shumë kontinent i vogël. Aktualisht duhet të jemi të fuqishëm së bashku me ato vende që janë në Evropë. Të hënën kemi diskutim gjithashtu me ministrat e jashtëm për aspektin e sigurisë së zgjerimit dhe çka i sjellin këto vende BE-së kur të bëhen anëtare. Pres edhe atje diskutim për çka duhet të bëjë ana jonë.”, - deklaroi shefja e Diplomacisë së BE-së, Kaja Kallas. 

 

Në mbështetje të zgjerimit, edhe kryeministri i Kroacisë, Plenkoviq.

 

“Potencoj pozicionin konstruktiv. E keni RMV-në, e cila para vitit 2000 ishte para Kroacisë në aspektin institucional, ndërsa Akoma nuk i ka hapur negociatat.”, - theksoi kryeministri i Kroacisë, Andrej Plenkoviq.

 

Kryeministri irlandez rendit vendet që së fundmi janë avancuar në aspirata eurointegruese. Shton se nevojitet angazhim në mënyrë që BE-ja të zgjerohet me vende të reja sa më shpejt.

 

“Besoj se kemi bërë progres të madh në hapjen e disa klasterëve, veçanërisht në kontekst të Ukrainës dhe Moldavisë… Kemi bërë progres të mirë me Malin e Zi dhe duam edhe më shumë progres për shkak të qasjes së sistemit të meritës. Mali i Zi është shumë afër. Nuk ka ndonjë perspektivë reale që vitin e ardhshëm të kemi një shtet të ri anëtar, nëse e ruajmë vrullin e procesit të zgjerimit. Kemi bërë po ashtu progres me Shqipërinë dhe me të tjerë në respekt të garës.”, - theksoi kryeministri i Irlandës, Mishel Martin.

 

Në takimin e nivelit të lartë të vendeve të BE-së, në tavolinë edhe siguria gjeopolitike, konkurrenca evropiane dhe çmimet e energjisë. Po ashtu diskutohet edhe buxheti afatgjatë i BE-së, 2028-2034. Situata në Ukrainë, sulmet hibride migracione dhe Lindja e Mesme janë tema tjera të rëndësishme në takimin dyditor të  Unionit.