Rasti i Iva Mihajllovës, Mickoski: Iva të vijë dhe të dëshmojë pafajësinë

 

“Ne kishim një urdhërarrest ndërkombëtar dhe presim që prindi i Ivës, i cili është i dënuar, të ekstradohet, ndërsa Iva të vijë dhe të tregojë pafajësinë e saj para organeve gjyqësore. Problemi ynë është që të ikurit nga drejtësia t’i kthejmë në vend, dhe dëshmitë nga hetimi do t’i shfaqim para partnerëve tanë ndërkombëtarë.”, - deklaroi kryeministri, Hristijan Mickoski. 

 

Rastit me Mihajllovën dukshëm ka dëmtuar marrëdhëniet në mes të dyja vendeve. Mickoski theksoi se RMV-ja nuk do vazhdojë të punojë në procesin eurointegrues të vendit.

 

“Ne nuk duhet të jemi viktimë e emocioneve, por të vazhdojmë të punojmë në procesin eurointegrues të vendit, dhe nuk do t’i lëshojmë bisedimet me palën bullgare, por përkundrazi, do t’i shtojmë përpjekjet tona për takim dhe dialog.”, - theksoi kryeministri, Hristijan Mickoski.

 

 

Nga ana tjetër, opozita maqedonase LSDM akoma është e mendimit se largimi i Iva Mihajllovës ka qenë i orkestruar dhe kërkojnë dorëheqje nga Pançe Toshkovski.

 

“Kufiri është i pakontrolluar, konfirmoi vetë ministri, por ai që drejton policinë dhe është përgjegjës për kufirin, është i mbrojtur. Hristijan Mickoski siguron mbrojtje për Toshkovskin dhe anasjelltas. Toshkovski siguron mbrojtje për Mickoskin dhe grupin e krimit të organizuar.”, - thuhet në komunikatën e LSDM-së. 

 

Iva Mihajllova, banore e Koçanit me shtetësi maqedonase dhe bullgare, është përfshirë në procedurë gjyqësore për aksident trafiku me pasoja fatale. Më parë ajo pretendonte se ishte viktimë e diskriminimit për shkak të dyshtetësisë së saj dhe se nuk lejohej të shkonte për mjekim në Bullgari.

 

Gjykata i hoqi pasaportat maqedonase dhe bullgare, por ajo doli para mediave në Sofje këtë javë, duke shpjeguar se u largua për shkak të përkeqësimit të gjendjes shëndetësore. Pas arratisjes, Gjykata e Shkallës së Parë në Koçan i ka caktuar masën e paraburgimit prej 30 ditësh dhe është lëshuar fletarrest.

 

Ministria e Punëve të Brendshme bullgare tashmë ka vendosur që Mihajllova nuk mund të ekstradohet në Maqedoninë e Veriut për shkak të dispozitave kushtetuese që rregullojnë ekstradimin e shtetasve bullgarë në vende të tjera.