Ndihma e BE-së për energjinë, Rizvanolli: Kanë përfituar 200 mijë familje

 

“Mbi 200 mijë familje të Kosovës kanë përfituar nga pakoja e mbështetjes për energjinë e BE-së, në vlerë totale prej 75 milionë eurosh. Kemi mbështetur familjet për ta përballuar dimrin dhe kemi investuar për shumë dimra të tjerë që vijnë. Kosova konsumon shumë më tepër energji për çdo njësi të prodhimit vendor se sa mesatarja e BE-së dhe dukshëm më shumë se sa mesatarja e rajonit.”, - deklaroi ministrja e Ekonomisë, Artane Rizvanolli.

 

Sipas ministres Rizvanolli, mbështetja e BE-së ka ardhur në një periudhë të vështirë të krizës energjetike globale që kishte ndikim edhe në Republikën e Kosovës.