Botë
U largua nga detyra pas vetëm pesë ditësh, ish-zëdhënësja e Shtëpisë së Bardhë vlerëson Trumpin
17.10.2026 14:20
Katie Zakaria është larguar nga posti i sekretares së shtypit të Shtëpisë së Bardhë..
Katie Zakaria është larguar nga posti i sekretares së shtypit të Shtëpisë së Bardhë, vetëm pesë ditë pas marrjes së detyrës, pas kritikave për paraqitjen e saj të parë publike dhe pikëpyetjeve mbi kualifikimet profesionale.
Zakaria, e cila u emërua nga presidenti amerikan Donald Trump për të zëvendësuar Karoline Leavit, mbajti vetëm një konferencë për shtyp, e cila zgjati rreth 14 minuta dhe gjatë së cilës iu përgjigj vetëm tri pyetjeve të gazetarëve.
Largimi i saj erdhi edhe pas debatit mbi kredencialet ligjore, pasi u bë e ditur se, ndonëse ishte prezantuar si avokate, nuk e kishte kaluar provimin e nevojshëm për ushtrimin e profesionit në Kaliforni.
Përpara njoftimit për largimin e saj, Trump deklaroi se e kishte këshilluar Zakarian të rishqyrtonte qëndrimin në këtë detyrë, duke theksuar se ajo ishte përballur me trajtim të ashpër nga mediat.
Megjithatë, vetëm disa orë pas largimit, Zakaria publikoi një mesazh në rrjetet sociale, ku e vlerësoi presidentin amerikan si një njeri të sjellshëm, bujar dhe punëtor, duke theksuar se kishte qenë nder të punonte për të.
Me vetëm pesë ditë në detyrë, Zakaria shënon mandatin më të shkurtër të një sekretareje shtypi në historinë e Shtëpisë së Bardhë.