Botë
Gjermani, AfD dhe konservatorët humbasin mbështetje në sondazhet e fundit
17.10.2026 17:29
AfD dhe blloku konservator kanë shënuar rënie të lehtë të mbështetjes së votuesve...
Partia e ekstremit të djathtë “Alternativa për Gjermaninë” (AfD) dhe blloku konservator i udhëhequr nga Friedrich Merz kanë shënuar rënie të lehtë të mbështetjes së votuesve, sipas një sondazhi të ri të publikuar nga instituti INSA.
Sipas rezultateve të sondazhit, të realizuar për gazetën gjermane “Bild”, AfD ka humbur një pikë përqindjeje krahasuar me javën e kaluar, duke zbritur në 29%. Megjithatë, ajo vazhdon të kryesojë në mbështetjen e votuesve, përpara bllokut konservator, i cili gjithashtu ka humbur një pikë dhe aktualisht renditet i dyti me 18%.
Në sondazhet e mëparshme, AfD kishte arritur për herë të parë nivelin prej 30% të mbështetjes në shkallë kombëtare.
Ndërkohë, rritje të lehtë kanë shënuar partia populiste BSW dhe partia “E Majta” (Die Linke). Kjo e fundit ka fituar një pikë përqindjeje, duke arritur në 11% të mbështetjes së votuesve.