Trump pezullon sanksionet e reja ndaj Rusisë, Moska e cilëson vendimin historik

 

Përmes një urdhri ekzekutiv, Trump pezulloi masat ndëshkuese pak para hyrjes së tyre në fuqi, duke argumentuar se vendimi është në interesin kombëtar të Shteteve të Bashkuara. Masat do të mbeten të pezulluara deri në një vendim të mëtejshëm.

 

Kirill Dmitriev, këshilltar i presidentit rus Vladimir Putin për bashkëpunimin ekonomik ndërkombëtar, e cilësoi vendimin si një moment historik, duke theksuar rëndësinë e tij për marrëdhëniet ekonomike mes Moskës dhe Uashingtonit.

 

Vendimi vjen pak ditë pas marrëveshjes së paralajmëruar nga Trump për furnizimin e tregjeve amerikane dhe ndërkombëtare me mbi 300 mijë tonë naftë dizel ruse, me synimin për të ulur çmimet e karburanteve përpara zgjedhjeve të mesmandatit në SHBA.

 

Ndërkohë, lufta në Ukrainë vazhdon. Sipas autoriteteve ukrainase, Rusia ka ndërmarrë sulme të reja me qindra dronë dhe raketa, duke shkaktuar viktima, të plagosur dhe dëme materiale në disa rajone të vendit.